Te Pirimia me te mahana haere o te ao
Kotahi rau kupu (kāore i kō atu, kāore i kō mai) #192
Kātahi tonu ka tukua e ētahi mātanga kaipūtaiao āhuarangi o te ao, e 26, tētahi reta, ki tō tātou Pirimia.
He aha ai?
Nā tō rātou tino āwangawanga ki tā tō tātou kāwanatanga whakawaimeha i ngā whāinga aukati mewaro.
Me te aha anō, ki tā tētahi tatauranga, ka whakaae te nuinga (74%) o tātou, me heipū tātou ki ngā whāinga o Te Kirimana o Parī e pā ki te mahana haere o te ao.
Engari, ki tā te Pirimia whakaputa mōhio, ki aua mātanga kaipūtaiao āhuarangi o te ao tino mōhio, kāore rawa tēnā i te aha ki a ia!
(RNZ)