Te tūhono
Kotahi rau kupu (kāore i kō atu, kāore i kō mai) #290
Ki tā te tiamana o te komiti tūhono o ngā kaunihera o te tonga o Te Ika-a-Māui me ōna Mana Whenua, mā te whakapai ake i te ratonga rerewhenua hei kawe pāhihi, ka whai hua ngā kaimahi, ngā akonga, me ngā hapori katoa o te rohe.
Nā konā kua whakaritea tētahi $802.9 miriona hei hoko i ngā tereina hiko hou, tekau mā waru, hei tūhono i Te Whanganui-a-Tara ki te Wairarapa, ki te Manawatū hoki.
Kua whakarewaina tuatahitia tēnei kaupapa i te wā o te kāwanatanga o Reipa mā, ā, kātahi tonu ka tautokohia e Nāhinara mā.
Ka pai.
