Te ture kōura
Kotahi rau kupu (kāore i kō atu, kāore i kō mai) #84
Kua rangona whānuitia te whakataukī e kīia ana ko “te ture kōura”, arā, “Nā, ngā mea katoa e pai ai koutou kia meatia e ngā tāngata ki a koutou, meatia anō e koutou ki a rātou” (Matiu 7:12).
Heoi anō, i tēnei wā kei te kaha patipati te Pirimia rāua ko te Minita Ahumoni ki ngā kaipenapena putea tūmataiti nō tāwāhi.
Kāore aua tāngata apo i te paku whai i taua ture. Nā konā rātou kua pērā te whairawa.
Ko tēnei kē tā rātou ture kōura, “Mā te tangata nāna te kōura ngā ture e hanga.”
Me mataara tātou!
