Te utu hiko (1)

Kotahi rau kupu (kāore i kō atu, kāore i kō mai) #224

I tērā rautau i waihangatia katoatia e te kāwanatanga te pūnaha hiko mīharo o Aotearoa whānui, pukuhiko mai, whakarato mai.

Kei a wai te mana whakamutunga o tērā pūnaha? Ko ngā kaipōti, ko ngā kaiututāke.

Nā konā ka aro atu ōna minita me ōna āpiha ki ngā matea o te marea.

I te mutunga o tērā rautau i hokona atu ngā wāhanga o taua pūnaha miharo kua utua kētia e tātou ngā kaiututāke, hei pakihi tumataiti.

Kei a wai te mana whakamutunga o aua pakihi? Ko ōna kaipupuri hea.

Kātahi tērā i te puna huamoni mutunga kore mā rātou!

Tirohia!