Te utu hiko (2)
Kotahi rau kupu (kāore i kō atu, kāore i kō mai) #225
Inanahi, i Te Korimako 224 i kitea ā-kauwhatatia he rau miriona te huamoni i whakawhiwhia e ngā pakihi hiko o Aotearoa.
Menemene mai ana ngā rangatira o Te Mākete me te kī, he tauira tērā o tō Te Mākete ihi hei whai hua nui mā rātou ko ō rātou hoa.
Kāore rawa he aha ki a rātou e pērā ana te whairawa, te tino whakapikinga ake o te utu hiko mā te marea, mai i te wā i whakatūmataitihia ai ngā ūmanga hiko.
Hei tā rātou, ehara i a rātou te whakapikinga utu hiko. Nā Te Mākete noa iho kē.
