Te utu hiko (3)
Kotahi rau kupu (kāore i kō atu, kāore i kō mai) #428
Ko te wāhanga nui ake o ngā pikinga utu i tērā tau, ko te utu hiko.
12.2% tōna pikinga ake.
He aha te pūtake o taua pikinga?
Ko te kora a te nuinga o ngā pukuhiko, ko te ua e heke ana i te rangi, ko ngā ngāwhā, ko te hau e pupuhi ana, ko ngā hīhī o te rā.
Kua piki rawa ake te utu o te ua, o ngā ngāwhā, o te hau, o ngā hīhī o te rā?
Kāore rawa atu!
Kua piki ngā huamoni a ngā pakihi hiko?
Āe rawa atu!
