Tērā pea?

Kotahi rau kupu (kāore i kō atu, kāore i kō mai) #380

Inanahi i huraina e te kāwanatanga ana “Ture Whakahaere Rawa” hou, ā, ka urupounamutia ai a Minita Pīhopa e Irirangi Aotearoa kia whakamōhiotia ai ngā whakaritenga hou o aua ture, pērā i te “utu paremata”.

Nā konā ka pātaihia a Pīhopa, āe rānei, ki te waeturehia e te Kaunihera o te Tairāwhiti kia kaua e tuku ngā pakihi whakatipu paina i ā rātou pakepaketai kia whakaputu i te taha moana, me utu paremata te kaunihera ki a rātou?

Ki tā Pīhopa, “Tērā pea.”

“Tērā pea?”

“Āe! Nō aua waeture pea ka whakaitia tā te pakihi whakatipu paina huamoni.”

Aue! Taukuri e!