Toitū te whenua

Kotahi rau kupu (kāore i kō atu, kāore i kō mai) #206

Kātahi tonu ka puta, i te mātanga ōhanga o te puna tātari whakaaro a ngā kaipakihi whairawa o Aotearoa, tana whakapae e pā ana ki te mahi a Manaaki Whenua kua āta rangahau i ngā tū momo oneone o Aotearoa whānui.

Kāore rawa ia i whakaae ki te whakarōpū ā-ture i ngā momo oneone mai i te onematua ki te onepunga.

Ki taua mātanga ohanga, kōtahi noa iho te pūtake tika o te whakarōpū i ngā momo oneone, arā, ko te mākete herekore.

Nō iwi kē ia. Nā konā pea tana kore paku aro ki te kī, “Toitū te whenua!”