Tūwhitia te hōhā!
Kotahi rau kupu (kāore i kō atu, kāore i kō mai) #264
Ki tā te mātanga ōhanga rongonui, ki tā Ganesh Ahirao, ahakoa he āhua totitoti te kāwanatanga i ētahi wā, kei runga pū rātou i te huarahi nā rātou i whakakaupapa, arā, te whakaparahako me te whakaiti i te rāngai tūmatanui, kia āheitia ai te kī, kāore he huarahi atu i te whakatūmataiti i ngā rāngai ōhanga katoa.
Hei tāna anō, tūwhitia te hōhā ki te ao tōrangapū nei, kia whai kaha ai tātou ki te tohe i tētahi ōhanga whai whakapapa, whai mana hoki, e manaaki ana i ōna tāngata, i ōna hapori, me te aotūroa e noho nei tātou.
