Utu Whaioranga
Kotahi rau kupu (kāore i kō atu, kāore i kō mai) #129
E tino riri ana ahau ki te rongo kua murua, e te Minita Pūtea aroha kore, te Utu Whaioranga mā ngā kaimahi e mahi ana i raro i ngā kaikirimana kāwanatanga.
Kāore tērā i te aha ki ōna hoa whairawa, engari ina kore ngā kaimahi i utua rawakatia, ka matekai rātou ko ō rātou whānau.
Heoi anō, ehara i te mea ko ahau anake e whakaaro pērā ana. Kātahi tonu ka puta te hua o tētahi tatauranga e uiuitia ana:
E whakaae ana rānei koe ki taua murunga o te Utu Whaioranga?
62%: kāore i whakaae
23%: i whakaae
Anā!
Tēnā koe e te matua. Tautoko mārika ahau i te whakapae nei. Me tū takarerewa tātou te iwi. Ka mutu, me āta whakarite tātou i a tātou anō kia panaia tēnei kāwanatanga hei te wā pōti.