Whakatangi tētere
Kotahi rau kupu (kāore i kō atu, kāore i kō mai) #24
I tērā Rāhoroi, kei tōna Pokapū Karaitiana a Kiritopa rāua ko tōna hoa, e whakarite Pouaka Kirihimete ana. He tokomaha rātou e tohatoha ana i ngā pouaka kotahi mano, maha atu rānei, ki te hunga paraheahea.
Ki tā Matiu 6:2, “...ka atawhai koe i te rawakore, aua e whakatangihia tētere.” Engari, i pāhotia whānuitia tā rāua āwhina mā “X”.
Ki tā Matiu 6:3: “...ka atawhaitia e koe te rawakore, kei mōhio tōu ringa mauī ki tā tōu ringa matau e mea ai.”
Te āhua nei, ka tukuna e te ringa matau, ka tangohia ai e te ringa mauī.