Whāki mai
Kotahi rau kupu (kāore i kō atu, kāore i kō mai) #148
Ka haere ana te kaimahi o Aotearoa ki te mahi, he nui ake te tūpono ka whakamatea, i ngā kaimahi o Ahitereiria, i o Peretānia rānei.
Me te aha anō, he taurua te ōwehenga o te kaitirotiro haumaru ā-kaimahi o Ahitereiria, i tā Aotearoa.
Nā konā ka aha te Minita Haumaru Kaimahi?
Tuatahi ake, ka whakaritea tētahi waea wera kia taea ai e te marea te whāki ki ngā āpiha te whakapae, kua tino hē te takoto o ngā koeko rori.
Meinga meinga!
Ki tāna, he tauira tērā o tana panoni tika i te ahurea o te Pūtahi Haumaru Kaimahi!
