He tāke hou
Kotahi rau kupu (kāore i kō atu, kāore i kō mai) #344
Ki tā Te Korimako #171 - “Mā wai te mānuka e tiki atu?”
Ko te raruraru tōrangapū o Aotearoa ko te kore whai whakaaro ki ngā tāke e matatika ana mā te katoa, whairawa mai, waenganuirawa mai, pohararawa mai.
Ā, ki tā Te Korimako #309 - “He tirohanga mokopuna,”
Me whakatika te pūnaha tāke kia taea ai e te kāwanatanga te whakarato ngā pūtahi e tika ana māna, ōranga mai, hauora mai, mātauranga mai, aha atu mai.
Heoi anō, nā te tirohanga mokopuna a te Pāti Reipa, nāna te mānuka i tiki atu.
Hoihoi rawa te tīwē hopu kiore a Nāhinara mā!
