Nā wai i karo...

Kotahi rau kupu (kāore i kō atu, kāore i kō mai) #109

I te Ākuhata 2024 kua porotiti te Pōtaka kia whakawhāitihia ngā paearu mā ngā whare ohotata.

Mai i te Hepetema 2024 ki te Hānuere 2025 kua piki mā te 53% (kia 653) ngā korewhare e moe tiriti ana i Tāmakimakaurau.

Ki tā ngā kaimahi ā-hapori, ināianei, kua kore ngā korewhare tokomaha i āhei ki te whiwhi i tētahi whare ohotata mō rātou.

Karo atu ai ā rātou tono, ahakoa he aha.

Ina urupounamutia a Rakihana mā ka karo me te kī, nā te tokoiti rō whare ohotata, me pakipaki tātou!

Nā wai i karo, kātahi ka tino karo kē atu!