Te Toa a Rui Kāwhe - Kaikohe (1883)

Kotahi rau kupu (kāore i kō atu, kāore i kō mai) #43

Ko te mea pai o Ngā Niupepa o Neherā (Kotahi rau kupu #42) ko te whakamahi i te reo o ia rā nō tērā atu rau tau, nō te wā i noho tangata whenua tonu te reo i te tokomaha.

I Te Korimako (1882-1888) ka whakamāoritia ngā ingoa Ingarihi, ingoa tāngata mai, ingoa wāhi mai, ngā ariā o te ao hurihuri mai.

He whakamāori ā-oro ētahi, he whakamāori ā-tikanga ētahi.

Anei tētahi pānui hokohoko hei tauira.

He taokete nō Te Irimana (tōku tipuna ake) a Rui Kāwhe (Louis Goffe). Nā konā pea ka kitea tana pānui hokohoko i Te Korimako.