Tērā pōhēhē tērā
Kotahi rau kupu (kāore i kō atu, kāore i kō mai) #399
Kua kitea rawatia te whiu kino a te kāwanatanga ki ngā kaupapa Māori: Te Aka Whaiora, Te Reo Māori, Ngā Wāri Māori, Ngā Mātapono Tiriti, Oranga Tamariki Wāhanga 7AA, Takutai Moana, aha atu, aha atu.
Ānō nei kua pōhēhētia, ina āta huri tuarā rātou ki te ao Māori ka whatungarongarotia katoatia ai ōna raruraru.
I kōrerohia kētia e Te Korimako #397 te tino patipati ā-moni a ngā apataki o te “ōhanga rēti” ki te kāwanatanga kia wetewetehia ai ngā here e poroa ana tā rātou kaiapotanga.
Nā konā pea kua whiua kinotia te ao Māori e te kāwanatanga mātāpono kore.
