Me whakaohooho
Kotahi rau kupu (kāore i kō atu, kāore i kō mai) #136
Kua whakapae ahau (Te Korimako #09) i tautoko muna a Rakihana i Te Pire Mātāpono Tīriti.
Kua kitea hoki tōna āhua noho kōpūrua (Te Korimako #76) me tā rātou ko ōna hoa whairawa whāinga ake (Te Korimako #29).
I pōhēhē rātou nā te nui o tā rātou pūtea me tō rātou tokomaha (KTK) ka waipuketia rawatia te komiti whiriwhiri e ā rātou tāpaetanga tautoko.
Auare ake!
Nā te kaha o Toitū te Tīriti me ōna katoa, ka nehua taua pire ā te Tāite nei.
Haramai!
Nā! Me pērā tā tātou whakaohooho kia waipuketia pērātia ngā pōtitake-here mō ngā wāri Māori!
Āna! Ki tōku nei maumahara me mihi ki te rōpū hīkoi i hono mai ki a tātou mai i Te Tai Rawhiti (?) mō tēnei tūpā:
Toitū Te Tiriti! Tītoi te kawana!